Ministria e Arsimit, Shkencës, Teknologjisë dhe Inovacionit ka shkruar në lidhje me takimin që kanë mbajtur sot me SBASHK-un.

Përmes një postimi në Facebook, MASHT ka shkruar se në këtë takim është diskutuar për nismat e ndërmarra së fundmi në arsimin parauniversitar, përfshirë temat e ngritura nga SBASHK-u.

MASHT ka shkruar se dokumentet dhe iniciativat për ndryshime legjislative duhet të trajtohen brenda kornizës ligjore, pasi çdo qasje e njëanshme mund të shkaktojë përçarje në kolektivat e mësimdhënësve nëpër shkolla, të pengojë mbarëvajtjen e procesit mësimor dhe të mos kontribuojë në objektivin e përbashkët për rritjen e cilësisë në arsim.

Ministria e Arsimit ka thënë se gjatë qeverisjeve të kaluara, në periudha zgjedhore, janë nënshkruar marrëveshje të shumta me sindikatën, të cilat kanë prodhuar pasoja juridike me të cilat institucionet po vazhdojnë të përballen. Prandaj sipas tyre një gabim i tillë nuk do të përsëritet.