Një vetaksident ka ndodhur mëngjesin e sotëm në fshatin Tërpezë, rruga Malishevë-Arllat.

Rastin për lajmi.net, e ka konfirmuar zëdhënësi i Policisë së Kosovës për rajonin e Gjakovës Sheremet Elezaj.

Elezaj tha se nga ky vetaksident përveç dëmeve materiale, një person ka pësuar lëndime trupore.

“Rreth orës 07:00 kemi pranuar informatë për një vet-aksident në fshatin Tërpezë (rruga Malishevë-Arllat). Policia ka dalë në vend-ngjarje dhe për pasojë përveç dëmeve materiale një person ka pësuar lëndime trupore”, ka thënë Elezaj. /Lajmi.net/