Policia e Kosovës ka arrestuar katër persona të dyshimtë, meshkuj kosovarë, pasi që të njëjtit dyshohet se pas një mosmarrëveshje janë sulmuar-rrahur mes vete në Istog.

Si pasojë njëri prej tyre ka pësuar lëndime trupore dhe ka pranuar tretman mjekësor.

Në vendin e ngjarjes nga të njëjtit, si prova materiale janë gjetur dhe konfiskuar dy pistoleta, një gëzhojë, katër fishekë, një sëpatë dhe dy thika.

“Të dyshuarit janë intervistuar dhe me vendim të prokurorit njëri prej tyre është dërguar në mbajtje, ndërsa të tjerët janë liruar”./Lajmi.net/