Disa persona janë përleshur mes vete tek stacioni i autobusëve në rrugën “Ahmet Kaçiku” në Ferizaj.

Këtë e ka konfirmuar për lajmi.net zëdhënësi i Policisë së Kosovës në Ferizaj, Kanun Veseli.

Ai ka thënë se tre persona janë shoqëruar në Polici, dy si të dyshimtë dhe një dëshmitar, shkruan lajmi.net.

“Policia e stacionit në Ferizaj ka pranuar një informatë për një përleshje fizike mes disa personave që ka ndodhur tek stacioni i autobusëve në rrugën ” Ahmet Kaçiku” në Ferizaj. Deri më tani janë shoqëruar tre persona në polici, dy prej tyre si të dyshimtë dhe një dëshmitar . Ndërsa hetuesit policorë janë duke punuar intensivisht në identifikimin edhe të personave tjerë në rastin e përleshjes fizike tek stacionit i autobusëve. Janë siguruar videoinçizime dhe janë duke u përpunuar të dhënat. Për informata tjera do të njoftoheni me kohë”, ka thënë Veseli. /Lajmi.net/