Një aksident i rëndë trafiku raportohet të ketë ndodhur në Kllokot të Vitisë pak kohë pas mesnatës.

Si pasojë bëhet e ditur se pasagjeri i mjetit si rezultat i plagëve të marra ka ndërruar jetë në vendngjarje.

Zëdhënësi i policisë për rajonin e Gjilanit, Ismet Hashani, e ka konfirmuar rastin për lajmi.net.

“Ju njoftoj se me datën 01.11 2024 rreth orës 01:15 ka ndodhur një vetaksident trafiku në aksin rrugor Kllokot-Viti. Dyshohet se ngasësi i automjetit me targa vendore humbe kontrollin mbi automjetin, dalë jashtë rrugës dhe rrotulliset. Si pasojë pasagjeri i mjetit nga lëndimet e marra ndërronë jetë në vendin e ngjarjes, vdekjen e të cilit e ka konfirmuar mjeku. Po ashtu dejtuesi i mjetit pëson lëndime trupore për të cilat është duke u trajtuar në Spitalin Rajonal në Gjilan”, u shpreh ai.

Trupi i pajetë i viktimës me urdhër të Prokurorit të Shtetit është dërguar në Institutin e Mjekësisë Ligjore për obduksion ndërsa vozitësi do të dërgohet ne mbajtje./Lajmi.net