Një lokal dhe një minimarket janë përfshirë nga zjarri menjëherë sot në orët e para të mëngjesit në Sllatinë.

Shefi i Brigadës së Zjarrfikësve në Prishtinë, Malë Gashi ka thënë se nga kjo ngjarje nuk ka asnjë person të lënduar, ndonëse zjarri ishte në fazën më të lartë të zhvillimit.

“Sot, në ora 04:55 min, kemi pranuar informatë për zjarr në një lokal ‘Te pishat’ në Sllatinë. Ekipet e zjarr-fikjes menjëherë kanë dalë në vendin e lartë përmendur. Në zjarr ishin të përfshirë një minimarket dhe një lokal dhe zjarri ishte në fazën më të lartë të zhvillimit, pra, tërësisht ishin të përfshirë nga zjarri”, ka thënë ai.

Tutje Gashi theksoi se nga ky zjarr rrezikoheshin edhe objektet tjera në afërsi.