Një aksident trafiku ka ndodhur sot rreth orës 19:20, në mes dy automjeteve në Rufc të Lipjanit.

Rastin për lajmi.net e ka konfirmuar zëdhënësja e Policisë së Kosovës për rajonin e Prishtinës Flora Ahmeti.

Ahmeti ka thënë se nga ky aksident kanë mbetur të lënduar 7 persona.

“Sot rreth orës 19:20 kemi pranuar informatën se në fshatin Rufc të Lipjanit, ka ndodhur një aksident trafiku. Në këtë aksident kanë qenë të përfshira dy automjete. Si pasojë e aksidentit lëndime  trupore kanë pësuar 7 persona. Me rastin po merret njësiti i trafikut rrugor”, ka thënë Ahmeti. /Lajmi.net/