Dogana e Kosovës zbulon dhe kap një sasi prej 1 kg ari të padeklaruar në aeroport
Dogana e Kosovës në një operacion të suksesshëm të kontrollit doganor ka ndaluar një sasi të padeklaruar prej 1 kg ari, me pastërti prej 14 karatësh. Dogana vlerësoi se vlera e arit të ndaluar është 59,294,12 €. “Gjatë kontrollit të udhëtarëve, imazhet e skenerëve treguan indikacione për mallra të padeklaruara brenda një çante. Pas hapjes…
Lajme
Dogana e Kosovës në një operacion të suksesshëm të kontrollit doganor ka ndaluar një sasi të padeklaruar prej 1 kg ari, me pastërti prej 14 karatësh.
Dogana vlerësoi se vlera e arit të ndaluar është 59,294,12 €.
“Gjatë kontrollit të udhëtarëve, imazhet e skenerëve treguan indikacione për mallra të padeklaruara brenda një çante. Pas hapjes së çantës, u zbuluan mallrat e fshehura së bashku me dokumentacionin përkatës që shoqëronte mallrat. Pas një vlerësimi të hollësishëm nga Dogana e Kosovës, u konstatua se vlera reale e arit të ndaluar është 59,294.12 €” , thuhet në njoftimin e doganës.
Rasti është duke u trajtuar në bashkëpunim të ngushtë me Sektorin e Hetimeve të Doganës së Kosovës dhe Prokurorin e Shtetit, për të analizuar të gjitha detajet dhe për të ndërmarrë veprimet e duhura ligjore ndaj individëve përgjegjës./Lajmi.net