Të shtëna me armë zjarri pati sot gjatë ditës në Prishtinë.

Një grua është plagosur nga të shtënat me armë zjarri në rrugën “Mukadeze Lika-Muhaxheri” në Prishtinë.

Lajmi për këtë plagosje është konfirmuar për lajmi.net edhe nga zëdhënësja e policisë për rajonin e Prishtinës, Flora Ahmeti.

“Sot rreth orës 12:20, kemi marrë informatën për një plagosje me armë zjarri të ndodhur në rrugën “Mukadeze Lika” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, tha Ahmeti.

“Bazuar në të dhënat fillestare, në këtë rast nga arma e zjarrit është lënduar një person. E lënduara është dërguar për tretman mjekësor”, deklaroi ajo.

Po ashtu Ahmeti bëri të ditur se hetuesit policor në koordinim me Prokurorinë dhe IPK-në janë duke u marrë me rastin./Lajmi.net/