Një situatë mjaftë e pazakontë dhe aspak e hijshme ka ndodhur sot pranë shkollës fillore të mesme të ulët (SHFMU) “Elena Gjika” në kryeqytet.

Hapësira para objektit shkollor, që ishte shndërruar edhe në një park të vogël u mbulua nga mbeturinat.

Nxënësit e kësaj shkolle vazhdimisht kanë hedhur mbeturina të shumta, që aty krijuan një kaos të vërtetë.

Në disa fotografi të realizuar pak më parë vërehet qartë se gjendja është mjaftë e keqe, e se padyshim askush “nuk merakoset” se si të largohen e pastrohen ato.

Ndërsa javë më parë shkolla fillore “Elena Gjika”, ishte kthyer në temë diskutimi për shkak të një dokumenti të lëshuar nga kjo shkollë ku kërkohej nënshkrimi si: “Prindi 1 dhe Prindi 2”. /Lajmi.net/