Kryetari i Lidhjes Demokratike të Kosovës (LDK), Lumir Abdixhiku, ka pasur sot një drekë pune me deputetin e Bundestagut, Peter Beyer.

Abdixhiku  përmes një postimi në llogarinë e tij në Facebook është shprehur i lumtur që pati mundësinë të bisedojë me deputetin gjerman, të cilin e quan “mik të palëkundur të Kosovës”.

I pari i LDK-së u shpreh se Peter ka qenë gjithnjë zë i fuqishëm i interesave të Kosovës në katër mandatet paraprake në Bundestag e në secilin funksion brenda CDU-së.

“Si një mik i palëkundur i Kosovës, si një ndër kontribuesit më të mëdhenj në Ballkanin Perëndimor, Peter ka qenë gjithnjë zë i fuqishëm i interesave të Republikës sonë në katër mandatet paraprake në Bundestag e në secilin funksion brenda CDU-së. Takimet me të janë gjithmonë të veçanta”, ka shkruar abdixhiku.

Ndërkaq Abdixhiku shtoi se Beyer u njoftuar edhe me vizionin e LDK-së për një Kosovë më të fortë ekonomikisht me mundësi për investime e jetë më të mirë.

“E njoftova për përgatitjet tona për zgjedhjet e 9 shkurtit, sikurse dhe vizionin tim për një Kosovë të fortë ekonomikisht, me mundësi për investime e jetë të mirë, e me dyer të hapura drejt komunitetit euroatlantik”, ka shkruar Abdixhiku. /Lajmi.net/