Haziri: “Bombat” e Presidencës në oborrin e Qeverisë nuk kalojnë pa pasoja
Nënkryetari i LDK-së, Lutfi Haziri, ka komentuar deklaratat e fundit të presidentes Vjosa Osmani, për raportet e saj me kryeministrin Albin Kurti, duke thënë se mos koordinimin mes tyre nuk ka kush e sanon. Haziri, përmes një postimi në Facebook, ka thënë se “nëse e lexoni drejt paraqitjen e fundit të të parës së shtetit,…
Lajme
Nënkryetari i LDK-së, Lutfi Haziri, ka komentuar deklaratat e fundit të presidentes Vjosa Osmani, për raportet e saj me kryeministrin Albin Kurti, duke thënë se mos koordinimin mes tyre nuk ka kush e sanon.
Haziri, përmes një postimi në Facebook, ka thënë se “nëse e lexoni drejt paraqitjen e fundit të të parës së shtetit, zonjës Osmani, më në fund duket se ka filluar të çlirohet nga kauzat e rrejshme e diskursi që dikur praptonte e keqinterpretonte realitete. Më mirë vonë se kurrë”.
“Duke kërkuar publikisht largimin e Martin Berishajt, ajo e në një formë e konfirmoi dhe ‘vizatoi’ korrupsionin e thellë qeveritar dhe lidhjet me GEN-in serb”, ka shkruar Haziri
Sipas tij Osmani ka pasur rol zjarrfikësi me partnerët ndërkombëtarë dhe ka amnistuar qeverinë edhe për veprimet e pakoordinuara me aleatët, duke garantuar me emrin dhe rolin e saj.
“Presidentja ka pasur rol zjarrfikësi me partnerët ndërkombëtarë dhe ka amnistuar qeverinë edhe për veprimet e pakoordinuara me aleatët, duke garantuar me emrin dhe rolin e saj. Moskoordinimin me Presidencën s’ka kush e sanon. Asgjë e re sepse përdorimi politik është mendësi e Kurtit”, ka shkruar Haziri. /Lajmi.net/
