Alarmante: Qentë bllokojnë hyrjen e Klinikës së Ortopedisë, pacientët në panikë
Qentë endacak janë një nga problemet më serioze të qytetarëve të Kosovës. Ndonëse ata po kërkojnë një zgjidhje nga Komuna e Prishtinës, kjo e fundit ende nuk ka ndërmarrë asnjë veprim, shkruan lajmi.net. Raste të kafshimit nga këta qen janë të shumtë në kryeqytet, e shpesh viktimat janë të moshuar apo fëmijë. Madje një person…
Lajme
Qentë endacak janë një nga problemet më serioze të qytetarëve të Kosovës.
Ndonëse ata po kërkojnë një zgjidhje nga Komuna e Prishtinës, kjo e fundit ende nuk ka ndërmarrë asnjë veprim, shkruan lajmi.net.
Raste të kafshimit nga këta qen janë të shumtë në kryeqytet, e shpesh viktimat janë të moshuar apo fëmijë.
Madje një person është sulmuar nga qentë endacakë në oborrin e Qendrës Klinike Universitare të Kosovës.
Incidenti ka ndodhur mëngjesin e së enjtes, kur viktima po kalonte në oborrin e QKUK-së.
I lënduari është dërguar menjëherë për trajtim në Emergjencë mirëpo për shkak të natyrës së lëndimeve ai është transferuar në Klinikën Infektive.
Rasti është raportuar edhe në Policinë e Kosovës.
Kjo nuk është hera e parë që qytetarët sulmohen nga qentë endacakë në oborrin e QKUK-së e gjithandej nëpër rrugët e Prishtinës.
Ndërkaq një qytetar sot në mëngjes është ankuar në adresën e lajmi.net se në hyrje të Klinikës së Ortopedisë ka një grumbull me qenë.
Nga fotografitë shihet se qentë e kanë “zënë derën” e klinikës.
Ndërkaq kujtojmë se së fundmi edhe një fëmijë është kafshuar nga këta qenë derisa po luante me shokët e tij në Ulpianë.
Madje i njëjti siç njofton nëna e tij lajmi.net pati marr trauma të mëdha nga kafshimi i qenit në këmbë.
Rasti kishte ndodhur disa ditë para se fëmija të hynte në shkollë, ndërkaq u raportua me datën 1 shtatorë./Lajmi.net/