Policia e Kosovës ka deklaruar në një njoftim në Facebook se në kuadër të planit zhvillimor strategjik po vazhdon angazhimet e saj në ruajtjen e rendit e të sigurisë publike, me theks të veçantë në trafikun rrugor e në parandalimin e aksidenteve.

Angazhimet policore pos fushatave sensibilizuese kanë shtuar edhe prezencën e zyrtarëve policorë në akse të ndryshme rrugore me njësinë e motoçiklistëve, njësinë mobile me pajisje inteligjente “SMART PATROL”, veturat civile të pajisura me radarë mobilë, përdorimin e dronëve në identifikimin e kundërvajtjeve të ndryshme e njësi tjera policore, si dhe ndërmarrjen e masave sensibilizuese dhe atyre ndëshkuese, të cilat kanë rezultuar me ulje të aksidenteve për këtë periudhë shtatë mujore të këtij viti, e po ashtu edhe për muajin korrik 2024.

Policia në njoftim bën të ditur se në raport me të njëjtën periudhë të vitit paraprak, aksidentet me pasoja fatale kanë shënuar një ulje prej -10.34%. /Lajmi.net