Bujqësia në Kosovë që nga paslufta ka shënuar rënie drastike të prodhimeve të saja.

Kjo rënie ka disa arsye, largimi i banorëve nga fshatrat në qytete, mërgimi jashtë vendit, por edhe konkurrenca e egër e tregut.

Një i ri në fshatin Morinë të Skenderajt, ka mbjellur 15 hektarë luledielli.

Për këtë të ri, gazetarja e lajmi.net, Albulena Zogjani, ka marrë rrëfimin e tij, për procesin e mbjelljes, por edhe për vështirësitë që hasin.

“Kemi përafërsisht, 15 hektarë”-tha ai.

Ai tregoi për procedurat e mbjelljes së farës së lulediellit, por edhe mungesën me ujë.

“Procedurat që luledielli, të vijë në këtë gjendje, së pari janë, lëvrimi i tokës, mbjellja, spërkatja e farës së lulediellit, dhe pastaj plehërimi artificial”.

“Për të ujitur ana jonë nuk kemi ujë të mjaftueshëm, dhe sido që të jetë, presim sa të rritet vetvetiu. Nuk e kemi mundësinë ta bëjmë vetë ujitjen”- tha ai. /Lajmi.net/