Festivali më i madh në Kosovë, “Sunny Hill” fillon nesër e bashkë me të edhe atmosfera në kryeqytet.

Ky festival përshkruhet gjithmonë me shumë muzikë e shumë njerëz.

Organizatori i këtij festivali, Dukagjin Lipa ka thënë se këtë vit do të marrin pjesë 25-30 mijë njerëz.

Oda e Hotelerisë së Kosovës ka njoftuar se nuk është i lirë asnjë vend në hotelet e njohura të Prishtinës, si shkak i këtij festivali.

Kryetari i Odës së Hotelerisë dhe Turizmit në Kosovë, Hysen Sogojeva ka thënë për lajmi.net se ky festival është një ngjarje shumë e madhe.

“Duke e dit që kemi kapacitet të vogël të dhomave të hoteleve, gjithmonë gjatë kësaj kohe ka probleme dhe duhet t’i orientojmë turistët që vin edhe jashtë hoteleve”, ka thënë ai.

Ai ka treguar se në të gjithë Kosovën, sipas statistikave janë rreth 7500-8000 dhoma, e 2 mijë prej tyre parashihet të jenë në Prishtinë.

Festivali “Sunny Hill” këtë vit do të mbahet në Bernicë nga data 25 korrik deri me 28 korrik

Video: