Në një deklarim ekskluziv për lajmi.net, Artan Hajrizi ka deklaruar se ai nuk qëndron prapa vrasjes së policit serb dhe plagosjes së një tjetri.

Artan Hajrizi apo njohur ndryshe tashmë si vëllai i Faton Hajrizit deklaroi se ai nuk ka të bëjë me rastin dhe se dokumentat e tij i vodhi pikërisht vëllai.

Artani deklaroi se është me të marrë informatën për ngjarjen në Serbi ai është lajmëruar vullnetarisht në Gjermani, tek autoritetet.

Madje ai tha se Faton Hajrizit gjatë tërë kohës vetëm ka udhëtuar nëpër shtete të Evropës, por me dokumenta të tjera.

Gjithashtu ai theksoi se i ka bërë thirrje Faton Hajrizit që të dorëzohet, por se ai nuk e ka dëgjuar.

Faton Hajrizi është arratisur nga burgu i Smrekonicës më datë 6 korrik. Kjo ishte hera e 9-të me radhë që ai u arratis nga burgu derisa i burgosur ishte që nga mosha 15 vjecare.

Në Serbi janë mobilizuar të gjitha autoritetet e sigurisë të cilët po kërkojnë kryesin e vrasjës së policit serb dhe plagosjen e një tjetri.

Armatim, automjete të blinduara e gjithcka tjetër shihet në Serbi, të gjithë në kërkim të Hajrizit.

“Ai veç është shëtit në Austri, Gjermani, Itali, Slloveni e në Spanje qeto sene. Ai më ka thënë edhe mu i gjallë jo, i vdekun po”,tha Artan Hajrizi.

“Me të kallu drejt jom ni shumë keq, me u vra s’vrahet kërkush. Ndesh serb ckado le të është për mu janë ton njëjtë. Unë e mora vesh që ma qunën shokët e mi se unë tybe s’kshyri me telefon se s’më intereson. Kshyre dokumentet e tu thanë, thash unë tybe në Gjermani jam, në Hanover jam. Me Tesha të punës jam në punë kesh. Thashë dokumentet mu kanë vjedh”, tha ai.
Ai tha se po dihet kush mi ka marrë dokumentet.

“Rasti ka ndodhur para dy ditëve. Në Gjermani o kon ai, o kon në Spanjë o kon në Itali, e në Slloveni”,tha vëllai i Faton Hajrziit, Artan Hajrizi.

“Unë e kam marrë vesh sot se nuk i kam dokumentet. Se unë e kam një kartë e lo në xhep se se nxjerri kurrë ato, se s’kam nevojë me e nxjerrë”,shtoi ai.

“Vullnetarisht jam paraqit në Polici. Unë i kam dokumentet e Gjermanisë që diçka me u bë edhe këta më kapin. Pra kur të kapin këta je fajtor, unë jam deklaru se ato dokumente si kam po mi ka marrë vëllai jem”.

“Ai veç është shëtit, qeto sene. U dal në Serbi e u dalë knej. Po me dokumente të mija s’ka udhëtu ai, ka pas dokumente të tjera. Përngjajmë pak dhe mi ka marrë. Nuk e kam ditë”,theksoi ai.

Madje ai tha se nuk e ka pas në plan me u dorëzu tek autoritetet e Kosovës.

“Jo s’kam folur me Fatonin, s’kam kontaktu as sen. Çfarë apeli me i bë unë atij, badihava. Unë i kam thënë shko dorëzohu në koftë nevoja për avokat e sene të ndihmojë unë, s’u duftë me ikë. Jo unë veç i vdekur se i gjallë nuk dorëzona”, përfundoi ai./Lajmi.net/