Kroacia barazoi me Shqipërinë 2:2 në turin e dytë të Kampionatit Evropian.

Pas një pjese të parë shumë të keqe të Kroacisë, shqiptarët kaluan 1:0 dhe ekipi i Zlatko Dalić përmbysi rezultatin në harkun e dy minutave të pjesës së dytë. Megjithatë, Kroacia nuk arriti të ruante epërsinë dhe pësoi gol në minutën e 95-të për të ndarë pikët. Para mediave pas ndeshjes doli edhe kapiteni kroat, Luka Modriq.

Ai tha se kishte momente gjatë ndeshjes kur nuk e kuptoi se pse skuadra u tërhoq prapa.

“Në pjesën e parë nuk patëm të drejtë. Ne u futëm sërish më keq në lojë, na shënuan atë gol dhe ishte e vështirë të luanim. Në pjesën e dytë trajneri bëri disa ndryshime dhe ishte shumë mirë deri në pesë minutat të fundit, pastaj ne nuk e di se për çfarë arsye u tërhoqën dhe i lanë të na krijojnë dy mundësi nga kaosi dhe të shënojnë gol”, tha kapiteni kroat, përcjellë KosovaPress.

“Pjesa e dytë ishte e mirë, kështu duhet të luajmë. E përsëris që në minutat pas golit filluam të nxitonim dhe ta humbnim topin pa asnjë arsye. Pas kësaj, ne nuk shtypëm më, u lamë hapësirë dhe ata na dënuan, gjë që e bënë në fund. Zëvendësimet sigurisht sollën një ndryshim dhe ne dolëm shumë më të angazhuar dhe më luftarak. Ne bëmë një punë të mirë me presing, nuk i lamë të dilnin, topat e tjerë ishin tonat. Ky ishte ndryshimi kryesor,” tha ai.