Sot është përkujtuar dëshmori Jeton Dedushaj, e aty kanë marrë pjesë familjarë, miq e njerëz që e vlerësojnë kontributin e tij.

Idriz e Bjeshkë Dedushaj, dy prindërit e tij mes lotësh kanë rrëfyer për të birin e tyre që u bë dëshmor e hero i Kosovës.

“I dashur, besnik, atdhetar e punëtor”, kanë qenë vetëm disa nga karakteristikat e tij që i ka përshkruar babai i Jetonit.

Nëna e tij, Bjeshkë Dedushaj ka thënë se vetëm një herë e ka parë pasi ai ka marrë armën e ka dal të luftoj.

Familjen e tij sot e ka vizituar edhe kryetari i AAK-së, Ramush Haradinaj.

Ai gjatë kohës sa ka qëndruar aty ka treguar rreth vështirësive që kanë përjetuar bashkë me Jetonin e të tjerët bashkëluftëtarë gjatë kohës së luftës.

Ai e ka nderuar post mortem dëshmorin Jeton Dedushaj me dekoratën “Me besim në atdhe, ZOT e shtet”, të cilën ia ka dedikuar familjes Dedushaj.

Video: