Portieri i talentuar i Drenicës, Altin Gjokaj ka pësuar një lëndim nga i cili humbi edhe vetëdijen në fushë.

Gjokaj u lëndua në ndeshjen e juniorëve mes Drenicës dhe Trepçës ’89, ndërsa për disa çaste humbi edhe vetëdijen, shkruan lajmi.net.

Ai u dërgua në spitalin e Mitrovicës me autoambulancë, teksa më pas u lirua për në shtëpi dhe gjendja e tij shëndetësore është stabile.

Në rrjetet sociale janë publikuar PAMJET të momentit kur Gjokaj mbetet i lënduar rëndë pas një përplasje në zonën e tij.

Portieri Gjokaj më pas reagoi vetë në llogarinë e tij në Facebook duke konfirmuar lëndimin e rëndë ndërsa tregoi se pas rekomandimeve të stafit të mjekëve është liruar për në shtëpi.

Gjokaj falënderoi stafet e mjekëve të dy klubeve për intervenimin e tyre.

Gjokaj është 17-vjeçar dhe këtë edicion ishte “gardian” i portës së ekipit të parë të Drenicës.

Ai te Drenica u transferuar në verën e vitit 2022 nga Besa e Pejës./Lajmi.net/