Kanë mbetur më pak se dy orë deri në fillimin e ndeshjes së parë gjysmëfinale në Ligën e Kampionëve ndërmjet Milanit dhe Interit.

Stadiumi “San Siro” në qytetin e modës është arenë e përplasjes mes dy rivalëve të përbetuar lokal e që nis nga ora 21:00, shkruan lajmi.net.

Atmosfera në Milano është ndezur kur ora e fillimit të përballjes po afrohet gjithnjë e më shumë.

Tifozët e “kuqezinjve” kanë nisur këngët e tyre pranë hotelit ku po qëndrojnë futbollistët e Milanit.

Një numër i madh i tyre kanë ofenduar rëndë mesfushorin e Interit, Hakan Çalhanoglun që te zikaltrit u transferua pikërisht nga Milanit.

“Çalhanoglu, bir i k**ves” – citohen të kenë brohoritur tifozët e Milanit, njofton Tuttomercatoweb.

Si scalda l’atmosfera a #Milano per il #DerbydellaMadonnina: i tifosi del #Milan cantano: “#Calhanoglu figlio di putt**a!”
? @ivanfcardia pic.twitter.com/b7nC3ybejB

— TUTTOmercatoWEB (@TuttoMercatoWeb) May 10, 2023

Ndeshja e dytë ndërmjet Milanit dhe Interit luhet një javë më vonë dhe fituesi do të luajë në finale me fituesin e takimit tjetër mes Manchester Cityt dhe Real Madridit./Lajmi.net/