Amir Rrahmani ka nënshkruar kontratë të re afatgjate me Napolin dhe mungon vetëm zyrtarizimi nga ana e klubit.

Kështu ka raportuar edhe gazetari italian dhe një nga më të besuarit në botën e futbollit, Fabrizio Romano, shkruan lajmi.net.

Kapiteni i Kombëtares së Kosovës, Amir Rrahmani me kontratën e re do të mbetet pjesë e Napolit deri në vitin 2027 me mundësi të vazhdimit edhe për një tjetër.

“Amir Rrahmani tani ka nënshkruar kontratë të re afatgjatë me Napolin – ajo do të jetë e vlefshme deri në qershor 2027 siç pritej” – ka shkruar Romano në Facebook.

29-vjeçari nga Prishtina iu bashkua Napolit në vitin 2020 kur u transferua nga Hellas Verona për rreth 14 milionë euro.

Rrahmani ishte pjesë e padiskutueshme në 11-shen titullare këtë edicion me Napolin që para pak ditësh siguroi titullin e kampionit për herë të tretë në histori./Lajmi.net/