Lega Serie A konfirmoi se ndeshja Napoli – Salernitana do të luhet të dielën, më 30 prill në orën 15:00.

Napoli duhej të takohej me Salernitana të shtunën, më 29, por ndeshja është shtyrë për të nesërmen për arsye sigurie publike, njofton Football-Italia, përcjell lajmi.net.

Nëse Lazio nuk mund të mposhtë Interin të dielën nga ora 12:30 dhe Napoli fiton “Derby della Campania”, ata do të fitojnë titullin e tyre të parë në Serie A pas 33 vjetësh.

Napoli i Amir Rrahmanit ka 78 pikë në vendin e parë pas 31 ndeshjeve të zhvilluara këtë edicion në Serie A.

Amir Rrahmani me shokë ndjeken pas nga Lazio që ka 61 pikë në vendin e dytë./Lajmi.net/