Ishte shumë larg, por shpejtësia e tij ndihmoi për ta ndaluar Bukayo Sakan

Sport

27/04/2023 18:14

Skuadra e Manchester Cityt arriti fitore të madhe në shtëpi ndaj Arsenalit me rezultatin 4 me 1, në ndeshjen e vlefshme për raundin e 33-të në Premier League.

Faqja e “citizen” ka publikuar një video në rrjetet sociale ku përfshihet anësori anglez, Jack Grealish, ky i fundit me shpejtësinë e tij ndaloi një aksion të volitshëm të kundërshtarëve, shkruan Lajmi.net

Lojtari i Arsenalit, Bukayo Saka ishte nisur drejt sulmit, por me shpejtësinë e tij, Grealish e zuri atë dhe ndaloi në mënyrën më të mirë aksionin e kundërshtarëve.

Golat për ekipin e Pep Guardiolas i shënuan: De Buryne (2), Erling Haaland dhe John Stones.

Me këtë fitore, Manchester City tani është kandidati potencial për t’u shpallur kampion në fund të këtij sezoni në Premier League. Ata tani janë vetëm dy pikë mbrapa Arsenalit, por që kanë dy ndeshje më pak të zhvilluara./Lajmi.net/