Sadio Mane është goditur me një gjobë “stratosferike” nga Bayern Munich pas përplasjes së tij të dyshuar me shokun e skuadrës, Leroy Sane.

Reprezentuesi senegalez dyshohet se e sulmoi fizikisht Sanen në dhomën e zhveshjes pas ndeshjes së parë çerekfinale kundër Manchester Cityt (3:0) në stadiumin “Etihad”.

Gjiganti i futbollit gjerman, Bayern Munich konfirmoi pezullimin e përkohshëm të Manes, ndërsa ajo nuk i ka mjaftuar atyre.

Goal raporton se Bayern Munich tani i ka vënë një gjobë prej 500 mijë eurove Manes për sjelljen e tij.

Mediat gjermane raportuan se Mane e goditi me grusht në buzë Sanen dhe e gjitha nisi në fushë gjatë ndeshjes.

Megjithatë, vetëm pak ditë pas incidentit, Mane dhe Sane u panë duke stërvitur së bashku në seancë stërvitore të Bayern Munich./Lajmi.net/