Trajneri i Barcelonës, Xavi Hernandez ka folur në një konferencë për media një ditë para “El Classicos” kundër Real Madridit.

Barcelona dhe Real Madridi do të përballen të dielën në La Liga me fillim nga ora 21:00 në stadiumin “Camp Nou”, shkruan lajmi.net.

Xavi Hernandez ka thënë se cilido rezultat që arrihet nesër në mbrëmje nuk do të jetë përfundimtare në garë për titull, veçse shton se nëse ekipi i tij fiton do të jetë “goditje e madhe për Real Madridin”

“Çfarëdo që të ndodhë nesër, nuk do të jetë përfundimtare. Ka ende një rrugë të gjatë për të bërë, por fitorja do të thoshte një goditje e madhe për Real Madridin”, tha Xavi në konferencë për media, njofton Marca, transmeton lajmi.net.

“Qëllimi ynë është të dominojmë lojën, diçka që praktikisht e kemi bërë gjithmonë, përveç ndeshjes së fundit në Bernabeu. Synimi ynë është që t’i ngjajmë më shumë versionit të finales së Superkupës”, deklaroi Xavi.

Barcelona është lidere me 65 pikë, ndërkohë Real Madridi renditet një pozitë më poshtë me 56 pikë./Lajmi.net/