Trajneri i Barcelonës, Xavi Hernandez ka folur në një konferencë për media në prag të ndeshjes së parë gjysmëfinale kundër Real Madridit në Kupën e Mbretit.

Xavi vlerësoi lart ekipin “mbretëror” madje duke i konsideruar ata edhe si favorit.

“Ata fituan titujt e fundit dhe ne jemi në proces të ndërtimit. I mundëm me futboll të jashtëzakonshëm vitin e kaluar, por është edhe një Real Madrid që e mposhti Liverpoolin në stadiumin e tyre. Duhet të jem i sinqertë, i shoh qartë si favoritë. Po flasim për kampionët aktualë të La Ligës dhe Evropës. Por ne mund t’i lëndojmë ata, tashmë kemi treguar se mund ta bëjmë”, tha Xavi në konferencë, njofton football-espana, transmeton Lajmi.net.

“Frika na jep gjëra negative, duhet të mendojmë pozitivisht. Kemi konkurruar mirë deri më tani. Do të garojmë ballë për ballë. Ne do të tregojmë modelin dhe personalitetin tonë të futbollit”.

“Ne jemi mirë. Nga brenda analizojmë arsyet e humbjes, dhe kjo është një çështje futbolli. Çdo lojë është historia e saj. Jemi në një situatë ideale dhe të privilegjuar për të fituar tituj. Në La Liga kemi një avantazh prej shtatë pikësh. Mund të shkojë keq, por ne po punojmë”, shtoi tutje trajneri spanjoll.

Ndeshja e parë ndërmjet Real Madridit dhe Barcelonës zhvillohet të enjten me fillim nga ora 21:00 në stadiumin “Santiago Bernabeu” në Madrid./Lajmi.net/