Chelsea vazhdon të dështojë në këtë sezon.

‘Blutë’ e Londrës u ndanë baras 1:1 me West Ham, shkruan lajmi.net.

Ky është barazimi i tyre i tretë në pesë ndeshjet e fundit, teksa kanë edhe një fitore dhe një humbje.

Kjo vije në një moment kur Chelsea ka bërë një sërë blerjesh të përshirë lojtar të shumtë, por që nuk po arrijnë të kryejnë punë dhe ta këndellin ekipin.

Fillimisht në këtë takim, rezultatin i pari e zhbllokoi Joao Felix, i cili kaloi londinezët në epërsi prej 1:0 në minutën e 16’ të ndeshjes.

Ky ishte goli i parë i portugezit me fanellën e gjigantin nga Londra.

Ndërkaq, golin e barazimit për West Hamin e gjeti pikërisht ish-lojtari i Chelseat, Emerson, i cili shënon në minutën e 28’ për 1:1.

Kështu pjesa e parë u mbyll me rezultat të barabartë.

Edhe në 45 minutat e tjerë ndeshja vijoi të jetë interesante.

Në minutën e 83′ West Ham shënoi me anë të Soucek, por VAR e anuloi për pozicion jashtë loje.

Pas këtij barazimi Chelsea ndodhen në vendin e nëntë, me 31 pikë.

Kurse, West Ham United pozicionohen në vendin e 15, me 20 pikë në total./Lajmi.net/