Daley Blind është lojtari më i ri i Bayern Munich.

Lajmin e ka konfirmuar vetë klubi me anë të një postimi, përcjell lajmi.net.

Blind ishte pa ekipi, pasi u largua nga Ajax, kështu duke kaluar në ‘Allianz Arena’ si një lojtar i lirë.

Holandezi ka nënshkruar me gjigantin gjerman deri në fund të sezonit.

Më poshtë lajmi.net jua përcjell njoftimin e ‘bavarezëve’:

“Bayern Munich ka nënshkruar me mbrojtësin Daley Blind në një marrëveshje deri në fund të sezonit. 32-vjeçari holandez erdhi përmes sistemit të të rinjve në Ajax, i cili ishte edhe klubi i tij më i fundit. Ai gjithashtu luajti për Manchester United midis 2014 dhe 2018.

Hasan Salihamidzic: “Ne jemi të kënaqur që Daley po i bashkohet ekipit tonë. Daley është një mbrojtës i gjithanshëm, i aftë për të luajtur në të majtë ose në qendër. Ai ka përvojë të madhe ndërkombëtare dhe cilësi drejtuese. Jam i sigurt se ai do të na ndihmojë”.

Daley Blind: “Mezi pres të luaj këtu. Ne kemi pjesën më të rëndësishme të sezonit që vjen, ku ka të bëjë me titujt – dhe një klub si Bayern mund të fitojë çdo trofe. Uria për tituj këtu në klub ishte kyç në vendimin tim. Shpresoj se mund të sjell përvojën time për të ndihmuar ekipin. Do të jap gjithçka për Bayern Munich”./Lajmi.net/