Llapi ka marrë tjetër fitore të rëndësishme, kësaj radhe duke mposhtur kampionin në fuqi, Ballkani.

Ballkani nuk ka kaluar aspak mirë këtë mesjavë, duke u mposhtur 1:4 në ndeshjen kundër Llapit, shkruan lajmi.net.

Skuadra e Tahir Batatina kaloi në epërsi në minutën e 7’ të takimit, me golin e shënuar nga Fernandinho.

10 minuta para fundit të pjesës së parë (35’), Rivera dyfishoi epërsinë e llapjanëve.

Në pjesën e dytë, Rivera doli edhe një herë në skenë, për t’i dhënë goditjen e radhës Ballkanit, me golin e minutës së 77’.

Fati i takimit u vulos me golat e shënuar pas minutës së 90′, të shënuar nga Gerhard Progni, i cili shënoi për 0:4 nga gjuajtja e lirë dhe me Ballkanin që shënoi golin e nderit në minutën e 90+3′, me Dellovan, për 1:4.

Fitorja e çon Llapin në kuotën e 19 pikëve për pozitën e pestë, kurse Ballkani mbetet me 27 pikë në pozitën e dytë. /Lajmi.net/