Ministri i Financave, Punës dhe Transfereve, Hekuran Murati, është takuar me ambasadoren e Izraelit në Kosovë, Tamar Ziv.

Në takim është biseduar për marrëdhëniet dypalëshe dhe mundësitë e thellimit të bashkëpunimit në fusha me interes për të dyja palët, shkruan lajmi.net.

Po ashtu, njoftohet se Murati, përmes ambasadores, ka ftuar bizneset izraelite që të investojnë në Kosovë.

Komunikata e plotë:

Ministri Murati priti në takim Ambasadoren e Izraelit znj. Tamar Ziv

Ministri i Financave, Punës dhe Transfereve, Hekuran Murati ka pritur sot në takim njoftues ambasadoren e Izraelit në Kosovë, znj. Tamar Ziv.

Gjatë takimit është biseduar për marrëdhëniet dypalëshe dhe mundësitë e thellimit të bashkëpunimit në fusha me interes për të dyja palët, me fokus të veçantë në fushën e teknologjise informative, menaxhimit të ujërave dhe bujqësisë. Tutje, Ministri ka potencuar se Republika e Kosovës ka kapacitet të thellojë bashkëpunimin me Izraelin, me ç’rast përmes Ambasadores ftoi bizneset izraelite që të investojnë në Kosovë.

Nga ana e saj znj. Ziv e falenderoi Ministrin për pritjen dhe shprehu gatishmërinë e saj për thellimin e bashkëpunimit, si dhe në ndarjen e praktikave më të mira në fushën e zhvillimit ekonomik. /Lajmi.net/