Jose Mourinho ka dhënë disa komente pozitive për Chris Smalling.

Qendërmbrojtësi anglez, Smalling po kalon në një formë mjaft të mirë prej kur u transferua te skuadra e Romës.

Duke folur për lojtarin, Jose Mourinho ka thënë se po të ishte në pozitën e selektorit, do ta ftonte Smalling për Kupën e Botës.

“Nëse unë do të isha trajner i kombëtares, unë do të jepja gjithçka për të pasur një lojtar sikur ai në dispozicionin tim”, ka thënë Mourinho, përcjell lajmi.net.

Nuk dihet akoma nëse Gareth Southgate do t’i bëjë një ftesë yllit të Romës.

Mbrojtësi tjetër anglez që luan në Serie A, Fikayo Tomori i Milan, pritet të jetë pjesë e ‘Tre Luanëve’ për aventurën në Katar. /Lajmi.net/