Alphonso Davies ka pësuar një lëndim gjatë ndeshjes ndaj Borussia Dortmund.

Ylli kanadez i skuadrës së Bayern, Alphonso Davies ka pësuar një lëndim në përplasjen me Jude Bellingham të Dortmund.

Skuadra e Bayern konfirmon se lojtari ka një problem me kafkën, përcjell lajmi.net.

“Mbrojtësi i FC Bayern, Alphonso Davies pësoi një lëndim në kafkë, në barazimin 2:2 ndaj Borussia Dortmund, në ndeshjen e madhe të së shtunës në Bundesliga, thonë skanimet. 21-vjeçari ndihet mirë në rrethanat por pushoi në stërvitjen e së dielës. Davies u godit në fytyrë nga Bellingham, pak para pushimit dhe u obligua të linte fushën”, thuhet në njoftim.

Davies nuk pritet të humb shumë kohë jashtë fushave të blerta. Ai do të synojë rikthimin në formacionin e parë të Bayern, për të vazhduar më pas në Kupën e Botës me Kanadanë. /Lajmi.net/