Tyson Fury dhe Anthony Joshua janë duke diskutuar për një meç të mundshëm në mes tyre.

Ndonëse ende nuk ka asgjë zyrtare, boksierët janë dakorduar për një përballje në mes vete, mirëpo çështja për të cilën ende nuk është gjetur gjuha e përbashkët është pikërisht data e këtij meçi.

Joshua propozon që përballja të jetë më 17 dhjetor në stadiumin e Cardiffit.

Kjo ide e bashkëkombësit të tij nuk po i pëlqen Gypsy Kingun që thotë se ai është i gatshëm për të dyluftuar më 26 nëntor ose 3 dhjetor.

Si arena të pëlqyera për të janë Wembley dhe Cardiff.

“26 nëntor në Wembley ose 3 dhjetor në Cardiff, prano ose lëre”, ishte përgjigjja e Furyt ndaj Joshuas.

Joshua e ka shansin e artë për t’u dëshmuar sërish në boksin profesionist, pas humbjes ndaj Oleksandr Usyk. /Lajmi.net/