Xavi Hernandez ka folur në konferencë për shtyp, para ndeshjes ndaj Viktoria Plzen.

Skuadra e Barcelonës do ta nis sezonin e ri në Champions League me përballje ndaj çekëve.

Për këtë ndeshje, Xavi është shprehur optimist, ndonëse duke ftuar për kujdes. Mes tjerash, ai ka konfirmuar edhe largimin e Miralem Pjanic.

“Ne duam të nisim mirë në këtë grup kompleks. Qëllimi është të kalojmë tutje, pastaj shohim. Ëndrrat janë falas, pse s’mund ta fitojmë këtë kompeticion?”, ka thënë Xavi, transmeton lajmi.net.

“Pjanic ka vendosur të largohet për më shumë minuta dhe mundësi të reja. Ai ka qenë profesionist i madh, por të gjithë zgjedhin rrugën e tyre”, shtoi trajneri.

Xavi Hernandez ka paralajmëruar rotacione në formacionin e Barcelonës, duke filluar nga ndeshja e mesjavës. /Lajmi.net/