Lewis Hamilton ka reaguar pas lajmit për pensionimin të legjendës së Formula 1, Sebastian Vettel, në fund të sezonit.

Përmes një postimi në rrjetin social, Instagram, piloti i Mercedesit thuri elozhe për gjermanin duke thënë se ishte kënaqësi që e kanë ndarë të njëjtën pistë për një kohë të gjatë.

“Është kënaqësi që të quaj garues dhe shok. Ti po e lë këtë sport shumë më mirë sesa që e gjete. Nuk kam dyshime se çdo gjë që do të vijë pas kësaj për ty do të jetë emocionuese dhe me plot kuptim. Të dua”, tha ai.

Vettel do të pensionohet në fund të këtij sezoni.

Ai, përgjatë shumë viteve si garues, arriti t’i fitojë tre tituj e plot 53 gara. /Lajmi.net/