Sebastian Vettel ka vendosur që të pensionohet nga garat e Formula 1 në fund të këtij sezoni.

Piloti gjerman, sipas fjalëve të tij, ka kaluar shumë kohe duke menduar për këtë vendim dhe thotë se është nga vendimet më të vështira që ka marrë.

“Vendimi për t’u pensionuar ka qenë vendim i vështirë për mua dhe unë kam kaluar shumë kohë duke menduar për këtë; në fund të vitit dua të marr më shumë kohë për të reflektuar në çfarë do të fokusohem pas kësaj”, ka thënë Vettel, transmeton lajmi.net.

“Është e qartë për mua se, të jem baba, unë dua të kaloj më shumë kohë me familjen time. Por, sot kjo nuk është për lamtumirën. Është për të thënë faleminderit – për të gjithë – jo më pak për tifozët, pa të suportin pasionant të të cilëve Formula 1 s’mund të ekzistonte”, shtoi gjermani.

Vettel është katër herë kampion botëror dhe një nga ikonat e sportit të Formula 1. Dy sezonet e fundit piloti i kaloi me skuadrën e Aston Martin. /Lajmi.net/