1:1 është rezultati final i duelit Prishtina – Drenica.

Të dy ekipet kishin nevojë për arkëtimin e pikëve të plota, pasi kërkojnë të ikin nga zona e barazhit, por në fund ndan pikët.

Ishte fillimisht ekipi nga kryeqyteti që kaloi në epërsi me anë të Kryeziut, në minutën e 35` të ndeshjes.

Fillimisht kishin dyshime për pozicion jashtë loje, por pas rishikimit të VAR, goli i pranua.

Për Drenicën ishte Mziu i cili në minutat shtesë shënoi golin e barazimit.

Pjesa e parë u mbyll me rezultat të barabartë, shkruan lajmi.net.

Në pjesën e dytë u zhvillua një lojë e mirë nga të dy ekipet, por Drenica ishte ajo që e kërkonte më shumë golin e epërsisë.

Raste të shumta nga të dy ekipet në pjesë e dytë kishte, por gola nuk u shënuan.

Pas këtij barazimi Prishtina qëndron në vendin e pestë me 39 pikë, ndërsa Drenica në vendin e shtatë me 36 gjithsej./Lajmi.net/