Braziliani u bë nënshkrimi i tretë i janarit i Newcastle, pasi përfundoi një lëvizje prej 35 milionë funte nga skuadra e Ligue 1, transmeton lajmi.net.

Guimaraes, i cili vendosi një kontratë katërvjeçare e gjysmë në “St James’ Park”, kishte shijuar një 18 muajt e fundit mbresëlënës në Lyon.

Paraqitjet në Francë tërhoqën vëmendjen e disa klubeve, me Arsenalin, Manchester Unitedin dhe Paris Saint-Germainin të gjithë të lidhur me lëvizjet, por zgjodhi të nënshkruajë për Newcastlen e blerë së fundmi.

“Magpies” janë një nga klubet më të pasura në botë pas blerjes të mbështetur nga Arabia Saudite në tetor dhe janë larguar nga zona e rënies në Premier League në javët e fundit.

I pyetur për interesimin e Arsenalit, Guimaraes tha për “Sky Sports”: “Kam folur me disa klube të tjera, por oferta e vetme konkrete erdhi nga Newcastle dhe unë me të vërtetë doja të vija këtu”.

“Gjithmonë kam dashur të luaj në Premierligë dhe mbi të ishte fillimi i një projekti të ri sportiv për klubin”.

Ndërkohë, Newcastle nuk di për humbje në nëntë takimet e fundit./Lajmi.net