Ndeshja mes Drenicës dhe Dritës është mbyllur me rezultatin 2:1, shkruan lajmi.net.

Lojtarët e dy skuadrave meritojnë duartrokitjet maksimale. Ata arritën të shënojnë tri gola së bashku, në një terren ku vetëm futboll nuk supozohet të luhet.

Fatlum Gashi shënoi i pari, kur në minutën e 8’ i dha epërsinë Drenicës. Kreshnik Uka dyfishoi epërsinë në minutën e 45+2’

Në minutën e 46’ të pjesës së dytë, Drita shënoi me Simonovski, por nuk arriti më shumë se kaq.

Skuadrat provuan deri në fund për t’iu dhënë më shumë tifozëve, por lloçi ishte i shumtë e kualiteti i zbehtë.

Drita mbetet me 41 pikë, derisa Drenica shkon në 31 pikë. ‘Intelektualët’ mbesin në lloç, në borën e shkrirë në Drenicë. /Lajmi.net/