Liverpool regjistroi një fitore 2-1 ndaj Norwich në “Anfield” me Minamino që shënoi të dy golat për të siguruar që “Reds” të jenë në çerekfinale, transmeton lajmi.net.

Minamino e çoi numrin e golave ​​këtë sezon në kupat vendase në shtatë dhe performanca nuk kaloi pa u vënë re nga tekniku gjerman.

“Nuk jam i befasuar që Takumi është një lojtar i jashtëzakonshëm. Ishte ndeshja më e mirë që pati për ne”, tha Klopp.

“Ai luajti një super lojë dhe ishte një kërcënim i vazhdueshëm. Frynte erë përsëri atje, kështu që me këto topa të lartë, mënyra se si i zvogëloi ishte shumë mirë”.

“Jam i lumtur që bëri përshtypje. Pa të nuk do të ishim në çerekfinale, pa të nuk do të ishim në finalen e Kupës Carabao. Super djalë”, deklaroi ai.

Ndërkohë, Liverpoolin në vikend e pret sfida ndaj West Ham, para se të mirëpres Interin në “Anfield” për ndeshjen kthyese të Ligës së Kampionëve./Lajmi.net