Verratti u zëvendësua në fund të pjesës së parë të ndeshjes së së dielës dhe është vendosur për një tjetër periudhë jashtë fushës, pasi ka humbur tashmë një muaj të sezonit për shkak të një dëmtimi në gju.

Atij iu dha gjithashtu kohë shtesë për t’u rikuperuar në fillim të sezonit pas triumfit të Italisë në Euro 2020.

28-vjeçari nuk do të jetë i disponueshëm për ndeshjet e Ligue 1 kundër Lille dhe Bordeaux dhe ndeshjen e Ligës së Kampionëve në RB Leipzig më 3 nëntor.

Ai përballet me një garë me kohën për t’u përgatitur për udhëtimin në Manchester City më 24 nëntor pas pushimit ndërkombëtar.

Kylian Mbappe gjithashtu mund të humbasë vizitën e së premtes ndaj kampionëve në fuqi Lille për shkak të një infeksioni sinus, ndërsa Sergio Ramos pritet t’i bashkohet stërvitjeve grupore javën e ardhshme. /Lajmi.net