Kështu raporton Football Italia, të cilët njoftojnë se oferta e Zonjës së Vjetër për Dybalan është vetëm 10 milion euro në sezon, transmeton lajmi.net.

Këtë ofertë, argjentinasi veçse e ka refuzuar së bashku me agjentin e tij, Jorge Antun, në fillimin e sezonit, mirëpo Juventus po punon me idejën “pranoje ose largohu”.

Football Italia gjithashtu raportojnë se agjenti i Dybalas nuk ka qenë në kontakt me klubin së fundmi, duke ia bërë të qartë se nuk e pranojnë ofertën e tyre.

Zëvendës-presidenti i klubit, Pavel Nedved, ka thënë gjatë ditës së sotme për DAZN se e ardhmja e lojtarit nuk është e sigurt: “Ai i ka mbetur një vit nga kontrata e tij dhe unë nuk kam asgjë për të shtuar në atë që thanë Paratici dhe Agnelli. Juventus do të vlerësojë çdo mundësi në treg ”.

Dybala ka zhvilluar shumë pak ndeshje këtë sezon për shkak të problemeve me muskuj, por po shpreson të rikthehet në fillimin e muajit të ardhshëm.

Kontrata e argjentinasit do të përfundojë në vitin 2022./Lajmi.net/