Arbitri nuk akordoi penallti për “Los Blancos”, pavarësisht që pa në VAR se Felipe preku topin me dorë brenda zonës së 16-metërshit, transmeton lajmi.net.

Ky nuk është incidenti i vetëm i arbitrit kundër Realit, ngase është një listë e plotë me 10 gabime:

1.Penallti për Varane nga Rakitic (2019-20)

Edicionin e kaluar në “Camp Nou”, Real Madrid kërkoi dy penallti, të cilat ishin faull te Raphael Varane. I pari ishte shkaktuar nga Ivan Rakitic.

2.Penallti për Varane nga Lenglet (2019/20)

Incidenti i dytë ishte në “El Clasicon” e njëjtë, ku Clemente Lenglet rrëzoi francezin brenda zonës duke lënë klubin tejet të nervozuar.

3.Jose Campana prekje me dorë (2019/20)

Kundër Levante, Real Madrid kërkoi penallti për prekjen me dorë te Jose Campana. Arbitri nuk mendoi ashtu dhe në fund “Los Blancos” u mposhtën nga një gol në momentet e fundit.

4.Faulli i Luis Suarez që dërgoi në gol (2017/18)

Në një tjetër Clasico, Suarez mori topin nga Varane duke e faulluar dhe që përfundoi në gol. Suarez në fund të ndeshjes pranoi se ishte faull.

5.Jordi Alba në Marcelon (2017/18)

Në të njëjtën ndeshje, “Los Blancos” kërkuan penallti për një faull të Jordi Albas te Marcelo, por nuk u dha.

6.Dora e Jordi Albas në qafën e Modricit (2017/18)

Ky është tjetër incident në të njëjtën Clasico, Real Madridi kërkoi që arbitri të ndëshkojë Jordi Alban që e kapi në qafë Luka Modric. Spanjolli ishte ndëshkuar me një karton të verdhë, andaj Hernandez vendosi të mos e përjashtoi.

7.Faulli i Umtitit në Cristiano Ronaldon (2016/17)

Me titullin e La Liga-s në rrezik, Real Madrid kërkoi penallti të herëshme pas një faulli të Samuel Umtitit te Cristiano Ronaldo, por nuk u dha dhe atë kohë nuk kishte VAR.

8.Kartoni i kuq i Sergio Ramos kundër Messit (2016/17)

Tjetër rast kundër Barcelonës, këtë herë Sergio Ramos u ndëshkua me të kuq pas një faull te Lionel Messi, por “Los Blancos” thonë se ishte gabim.

9.Goli i anuluar i Bale në “Camp Nou” (2015/16)

Ishte “El Clasico” e parë për Zinedine Zidanen si trajner dhe Gareth Bale i vendosi klubin në avantazh 2 – 1. Por, goli u anulua nga arbitri me pretendimet se faulloi Jordi Alban

10.Prekja me dorë e topit nga Felipe (2020/21)

Më e fundit në listë ishte prekja me dorë e Felipes, por arbitri Hernandez edhe pasi VAR i tha se ishte prekje me dorë, nuk mendonte se vlente për penallti./Lajmi.net/