Frankfurti ka treguar që është skuadra më me formë në Bundësligë që nga fillimi i këtij viti kalendarik, transmeton lajmi.net.

Vendasit e nisën ndeshjen me shumë siguri dhe duke shfaqur lojë të mirë.

Ishte Kostic i cili asistoi në min (12’) për Kamadan i cili shënoi golin e parë, duke zhbllokuar rezultatin.

Golin e dytë e shënoi Younes nga një asistim nga Kamada në min (31’).

Skuadrat shkuan në pushime me avantazhin prej dy golave të Frankfurtit.

Në pjesën e dytë, Hansi Flick bëri disa zëvendësime, “Bavarezët” ia arritën të shënojnë përmes Robert Lewandowskit i cili shënoi pas një depërtimi nga Leroy Sane në min (53’).

Polaku ka regjistruar golin e 26 këtë sezon.

Bayerni qëndron ende në pozitën e parë, por me këtë humbje iu jep mundësi Leipzig dhe Wolfsburgut të afrohen.

Frankfurti mban pozitën e katërt me 42 pikë, po aq edhe sa Wolfsburgu.

Rezultati përfundimtar, Eintracht Frankfurt 2-1 Bayern Munchen./Lajmi.net/