Real Madrid ka triumfuar me rezultatin 2 – 0 ndaj Celta Vigo, për tu ngjitur në vendin e parë të La Ligas, por protagonisti kryesor i ndeshjes ishte Lucas Vasquez.

Lucas shënoi golin e parë dhe gjithashtu i dhuroi Asensios një asistim në golin e dytë të Realit.

Spanjolli foli edhe për të ardhmen e tij në intervistën pas lojës, transmeton lajmi.net.

‘Jam i lumtur me paraqitjen dhe fitoren, pas ndeshjes ndaj Elche duhej të reagonim me agresivitet’, tha ai.

‘Rinovimi i kontratës? Nuk varet vetëm nga unë, nuk e di por do shohim çfarë do të ndodhë’, deklaroi Lucas.

‘Ndërrimi i pozitës time në fushë? Nuk ka rëndësi se ku luaj, jam i lumtur për mundësinë që më ka dhënë trajneri’, përfundoi Lucas Vazquez./Lajmi.net/