Gazeta spanjolle, AS, raporton se klubi nga Madridi po kërkon që të marrë të rinjtë e Barcelonës dhe Realit për të përforcuar skuadrën e tyre.

Afati kalimtar në Spanjë do të hapet më 4 janar dhe ata do të kërkojnë që të transferojnë Kubon dhe Alenan në formë huazimi deri në fund të sezonit.

Getafe kanë vetëm 4 mesfushorë në klubin e tyre dhe për këtë arsye Jose Bordalas po kërkon transferimin e këtyre dy lojtarëve.

Duke pasur parasysh faktin që Alena nuk po gjen assesi minutazh në kampin katalunas, një kalim i mundshëm për të fituar eksperiencë është mjaft real.

Edhe 19 vjeçari, Kubo, nuk e ka impresionuar shumë trajnerin Unai Emery, pasi ka dështuar të shënoj ose asistoi një gol të vetëm në 13 ndeshjet që ka startuar në La Liga këtë sezon.

Megjithatë, trajneri i Getafes është i vëmendshëm për kualitetin që këta dy lojtarë posedojnë dhe me transferimin eventual të tyre në skuadër, ata do të luftonin për t’u ngritur në tabelë./Lajmi.net/