FIFA së fundmi ka zgjedhur futbollistin më të mirë të vitit, Robert Lewandowskin, mirëpo të nominuar ishin edhe Lionel Messi dhe Cristiano Ronaldo.

Vëllau i Toni Kroos, Felix Kroos ka diskutuar rreth kësaj çështje duke thënë se ylli polak e ka merituar atë çmim.

“Lewandowski padyshim që e ka merituar çmimin. Por për mendimin tim, Messi nuk duhej të ishte në top 3-she. Nuk mendoj që ai ka pasur një sezon të mirë këtë vit” u shpreh vëllau i mesfushorit të Real Madrid.

Këtë vit në formacionin më të mirë të FIFA-së nuk ka pasur vend për yllin e Gjermanisë.

Mesfushorët më të mirë sipas FIFA ishin: “Kevin de Bruyne, Thiago Alcantara dhe Joshua Kimmich”. /Lajmi.net/