Në bazë të raportit të Spitalit të Gjakovës “Isa Grezda”, janë 52 pacient të hospitalizuar për koronavirus, ku 43 prej tyre janë të konfirmuar pozitivë me COVID-19, shkruan lajmi.net.

Sipas njoftimit, 28 prej tyre janë me oksigjeno-terapi, kurse pesë janë me aparaturën CPAP maskë.

Po ashtu në këtë spital janë të infektuar me koronavirus edhe gjashtë mjekë, 16 infermierë dhe dy nga stafi mbështetës.

Njoftimi i plotë, pa ndërhyrje:

Raporti 24 orësh për Spitalin e Gjakovës, datë 24.08.2020 ora 8 është:

52 pacientë të hospitalizuar janë trajtuar për Covid

43 pacientë janë të konfirmuar COVID-19 Pozitiv,

9 pacientë do të testohen

28 pacientë me oksigjeno terapi,

5 pacientë janë në CPAP maske.

Covid pozitiv aktiv janë: 6 mjekë,16 infermiere dhe 2 stafe mbështetës.

Ju rikujtomë qytetarëve të mos e ulin vëmendjen për zbatimin e rregullave dhe masave për të frenuar përhapjen e virusit të rrezikshëm që prek këdo, pa dallim!. /Lajmi.net/