Një konsorcium i udhëhequr nga Mourad Boudjellal po shpreson të blejë klubin nga pronarët amerikanë këtë verë, për të shndërruar Marseille në një nga klubet kryesore në Francë.

Edhe pse Marseille këtë sezon u rendit i dyti në Ligue 1, ata ishin 12 pikë larg PSG, dhe për të mbyllur këtë hendek, ata janë të gatshëm të transferojnë emrat më të mëdhenj të këtij sporti.

“Trajneri i ri? Ai që është tani, është shumë i mirë”, ka deklaruar Boudjellal për Le Figaro.

“Por çfarë do të ishte më mirë sesa të rikthesh një djalë lokal? Zinedine Zidane? E ardhmja do të na tregojë”.

“E dua futbollin. Unë e dua anën fisnike të sportit. Unë e dua disiplinën gjermane, veçanërisht atë të Bayern Munich. Më pëlqen grinta e Barcës. Dhe një lojtar që nuk do ta harroj kurrë është Cristiano Ronaldo. Më pëlqen respekti dhe disiplina. Ai e mishëron atë”, tha ai për yllin e Juventusit, i cili në shkurt u bë 35 vjeçar, por po vazhdon të luaj në nivele të larta./Lajmi.net/